مدونة هاجر بيوتي

اليوم ناوية اتكلم عن اصماغ الرموش الي جربتهم، صمغ هاوس اوف لاشز و صمغ دوو اللي اتوقع كل الناس يعرفوه

صمغ دوو احسو الخيار الاول الي تفكر فيه كل وحدة تبا تبدا تركب رموش لانو مررة مششهوور ورخيص وسهل ان الواحد يلقااه
بعكس صمغ هاوس اوف لاشز الي مو متوفر الا في موقعهم تقريبا



المهم نبدا بالنقاط المشتركة بينهم
١- الاثنين كويسين يعني تحطيهم وماتشييلي هم رموششك طووول اليوم (غرا هاوس اوف لاشز اقوى)
٢- اثنينهم يكون لونهم ابيض ويتحول شفاف اذا انحطو ونشفو (غرا دوو في منه نوع ثاني اسود)
٣- اثنينهم ماينتفوا الرموش ابدا لما ينشالو



صمغ دوو فيه ٣ عيوب، اول عيب انو ياخذ مدددة عشان ينشف وانا شخصيا ماعندي صبر ومو دايما يكون عندي وقت اهفهف ساعة .. مكتوب عليه انو ينترك ٣٠ ثانية وبعدين تقدري تحطيه ، مو صحيح ابدا انا اشوفو يحتاج دقيقة تقريبا عشان يبدا يصير يلصق ..

العيب الثاني انو ريحته جدددا سيئة، يعني هذا مو مرة عيب بالنسبة ليا لانو مجرد ماتحطيه ماعاد تشميه والريحة مو قوية لدرجة تفوح في المكان بس ريحته كانو بلاط ممسوح بمساحة معفنة

العيب الثالث والكبييررر انو استخدامه متعببب جدا ومو مرييييح ابددددا


لما تضغطي حتى لو على خفيف تنزل كمية مرة كبيرة صعب انك تحطيها دايركت عالرموش، عاد اجلسي اخترعي طرق واساليب تسهل لك العملية



صمغ هاوس اوف لاشز انا طالبته من موقعهم ب ٨ دولار والشحن كلف ٥ دولار تقريبا
هذا موقع هاوس او لاشز

ميييزة هذا الصمغ انه علطول يصير يلصق وتقدري تركبي الرموش علططول ، انا بس اعطيه هفة بسييطططة وعلطول احطه، ريحته مررة حللوة كماان

واهم شيي ان استخدامو قققممة في السهولة لان فيه فرشة تسسهل الاستخدام وهذا الي محليه



ففيه عيب الا وهو انو ازالتو شوية صعبة وتاخذ وقت لانو قوي شوية، يعني الوقت الي وفرتيه لما ركبتي الرموش بهذا الصمغ بدل صمغ دوو حتستهلكيه في ازاله هذا الصمغ


في الاخير اثنينهم اصماغ كويسة افضل صمغ هاوس اوف لاشز اكثررر لان استخدامه مرييييح وسهل واسسررع مايحتاج وقت طويل