مدونة هاجر بيوتي

السلام عليكم ورحمة الله وبركاته



حبيت اجمع لكم القنوات الي احب اتابعها في اليوتيوب في مكان واحد عشان تستفيدو منها وتشوفو خيارات جديدة لقنوات تتابعوها
 انا اتاببع كثير، بس حطيت الي مررة احبهم ومميزين عندي لانو في كثير اتابعهم بس ما اشوف الا قليل من الفيديوهات اللي ينزلوها

القنوات الي احبها كثير منها متعلقة بالجمال والمكياج وفي منها مالها علاقة ابدا بالميك اب .. حبيت اقسمها مجموعات عشان يسهل على كل احد يشوف نوعية الفيديوهات الي يحبها

بعض القنوات تدخل في اكثر من مجموعة يعني فيديوهاتها منوعة،  بس ححطها في المجموعة الي احسها انسب بدل ما اكرر القناة مرتين

اللغة لاتخلوها عائق واعتبرو متابعة هذي القنوات فرصة عشان تتحسسن لغتكم الانجليزية .. والفيديوهات بالذات فيديوهات التطبيق والتيوريالز كثير من الوقت ما يكون فيها كلام اساسا، هوا بس وقت الريفيوز ومع الوقت حتتعودي عالكلمات لانو في كلمات تتكرر كثير

قنوات تعليم المكياج (تيوتوريالز)   Makeup tutorials

فرح، ميززتها انو بشرتها درجتها قريبة من بشراتنا اككثر من الشقرر طبعا فاحس انو كثير من الدرجات الي تستخدمها تناسبنا بالذات الشادوز والبلشر والارواج والخ .. فيعني لما تشوفي شي عليها تقدري عالاقل تتخيلي او تتصوري كيف حيطع عليكي .. هذا غير انو الميك اب الي تسويه حححلو ججججدا

ماششاااللله تبارك الله رموشها اططول ررمووش شففتها، ماششالله

انصصحكم ججدا تتباعووها، لا والله ما انصحكم روحو من جد تابعوها 

الميك اب اللي تسسويه مررة حلو كمان، ذذويقة ججدا في الميك اب حتى الالوان لما تبا تدخلها تخلييها شي خطيير .. احببب مرررة الميك اب اللي تسويه

مييززة سام ونيك انهم مرررة يغيرو وكل لوك مختللف عن اللي قبلو، مو زي كثثير من اليوتيورز الا مايكون في شي مكرر في التيوتوريالز حقهم .. قنااتهم مرررة حلوة ومعروفة اساسا

احححححب جاكلين جججدا <3 ، ياخي شخصيتها رووععة وتحسيها دايما متحمسة بالذذات لما تشررح تششرح من قلببببها، فضييييعة هذي الادمية، تااببعوهااا

ودامنا ف طاري الشخصية، نيكول كمان شخصييتها خطيرة، احبب الاددمية هذي كمان واحب فيديوهاتها ولو انو ميك ابها يميل انو يكون شوية مكرر بس لسا خطيررة 

نيكي هذي فضييعة، المكيياج اللي تسسويه رااائع يغفرر لها سماجاتها اللي دايما تتحفنا بيها .. فننننااانة وحتتعلموا منها كثير .. تسوي كثير ميك اب مشاهير

هذي انسسانة راااقيية، كذا تحسيها انسانة كلااااس .. مكياجها حلللو ونااعم قناتها مرررة حتناسب الناس الي يحبو الميك اب اللي يميل انو يكون نااعم 

 كنت مرة انققهرر انو كيف كلوي ماعندها متابعين لاني اتابعها وهيا ماعندها الا 100 الف يمكن 

جات لها فتررة والين دحين احسسها من اكثر الي اتابعهم يسوو اعلانات يعني ما يستخدمو المنتجات الي هما يحبوها داايما فما اصدقها لما تمددح شي اببددددااا بس احححب اشوف الميك اب الي تسويه لانها رررهييبة

Sharon Farrell

هذي القناة مررة حلوة لو تبي تشوفي لوكات شوية جريئة، يعني لو عندك مناسبة ومحتارة ايش تسوي شيكي على قناتها اككيد حتلهمك 

هذي عكس الي قبلها الميك اب اللي تسسويه نااعم 

هذي تحب تسوي لوكات مستوحية من لوكات المشاهير ، حلللو مكيياجها كثير وقاابل انوو يتسوى لانها ما تسوي لوكات الانستقرام الي شوية اوفر الي بس نشوفها ومستحيل نطبقها على نفسنا 

اماندا قناتها كمان جيددة وحللوة ودايما لما تشوفو قنوات اكثر وطرق مختلفة تتعلمو اكثر فعشان كذا ححنصحكم تتابعوها

هذي قريب بدات اتابعها، حللوة قناتها 

معرروفة احسسها كارلي، قنااتها حلوة مررررة .. وميك ابها حللو وهيا ماشالله حلوة 

اتابعها لانو شكل عينها قريييب مررة من شكل عيني مع انو مكياجها مو دايما يعجببني بس اخذذ منها افكار

اححب مررة مكيااجها وستايلها ، مشكلتها انها مملة ماتخليكي مرة تتحمسي تفتحي فيديوهاتها بسس بغض النظر عن مللها قناتها حللوة ومفيدة 

اغلبنا امهاتنا مهم ميك اب ارتستس بس نححب نشوفهم وهما يحطو ميك اب في شي مررة يجججذب 

انا احسس اني احسس نفس الاحساس مع تانيا ، هيا طبعا تسوي ميك اب مررة حللو بس انو في غيرها يسوو اشياء احلى ويغيرو ويجددو شوية في اللوكات بس فيي شي فيها يخلليني ما اقدر افوت اي تيوتوريال تنزلو واحس بمتعة وانا اشوفها 

كككيييوت الادمية هذي وماحس في العالم في احد اطيب منها

Ruby Golan

روبي حلوة قناتها ومفيييددة بالذات للبنات اللي بشراتهم فيها حببوب مرررة حيستفيدو من نصايحها ف دا الموضوع 

Shani Grimmond

شاني احترررت وين احطططها .. ما تسوي التيوتوريالز الي ماتتفوت ولا تسوي ريفيوز لمنتجات دايما
ومرة وحدة شفتها تسوي انطباع اول لمنتج
المهم شوووفو قناتها لانها حللوة وشخصيييتها راائعة

--------------------------------------------------------------------------------------

قنوات انطباعات اولى   - First impressions

فكرة الانطباع الاول للمنتجات انو الشخص يستخدم منتج جديد اول مرة يجربو ويشيك كل كم ساعة خلال اليوم كيف المنتج وايش حاس، واخر اليوم يعطي انطباعو ورايه الاخير في المنتج

نوعية الفيديوهات هذي هيا المفضلة عندي واسستمتع مرررة وانا اتفرجها، حتى لو المنتج الي تستخدمو عندي ومجربتو

مسستحيل اشوف فيديو انطباع اول منزلتو جودي ولا اشوفو اولللل شي قبل اي شي ثاني، ملللكة الانطباعات الاولى ، مممتعة مرة فيديوهاتها ومفيدة فانصصحكم بقناتها بششدة

سام برضو نفس جودي بالضببط فيديوهاتها ثلاثة اربااعها انطباعات اولى لمنتجات جدديدة

ملاحظة: في شي فيها شوية مستفز مادري ايش هوا بس في، انا متاكدة

ماريا قناتها صغيرة لسا، تحب تسوي انطباع اول للمسكرات بالذات، حلوة قناتها

تحذيييير: الفيديوهات ملليييئة بثقالة الدممم  .. بس ماعليكم اهم شي ركزو عالمنتجات

--------------------------------------------------------------------------------------

قنوات ريفيوز للمنتجات ونصائح - Product reviews and makeup tips

تاتي من الناس اللي مسستحيل ما اشوف كل فيديو تنزلو، دايما فيديوهات الريفيوهات تطفششني شوية بس هذي لو تتكلم الين بكررة مستحيل اطفش .. في فيديوهات بشكل عام ما احب اشوفها زي المفضلات الشهرية احس انها فيديوهات مالها داااعي بس انو يبو ينزلو فيديو ومالهم حيل يفكرو ففكرة ، تاتي تقريبا الانسانة الوحيدة الي ماعندي مشكلة اشوف فيديوهات مفضلاتها الشهرية ياخي مدري ايش من سحر مسويتو ليا بسس اني احححب قناتها حبب عجيب 

ليلي كمان مررة احبببها، احبب الفلوقز الاسبوعية حقها وكمان تابعت فيديوهات الفلوقماس حقها وتمنيييت لو انها ماخلصت (انصصحكم تتابعوها حتى لو ان الكرسمس خلص والفيديوهات قديمة) ، خططططييرة الادمية ذي وفيها صدددق عجيب .. مهي ميك اب ارتست وتسوي ميك اب وااو بس ريفيوهاتها حللوة وفيديوهاتها بششكل عام مررة احبها
تسستاهل كككل المتاابعين الي في العالم 

انا هذي صحبة ليلي، ظظرييفففة مررة الانسانة هذي وفيديوهاتها مرة حللوة

اسسستتتتي ، هذي الانساانة احس اني لو كنت ابا اصير يوتيوبر ابا اصيير هيا .. احببببهاا واعششق شخصيييتها وفيديوهاتها ، ووااحب كل شي فيها الا كلبها مررة مققرف 

ماتقددري ماتتابعي واين قوس ، نصايحو مررة مهمة ويسوي ريفوهات لمنتجات كمان .. بسس النصاييج والتيبس حقو مرة مهمة وجددا مفييييدة 

قابريلا تحولت من بنت ماكنت افهمها وما تعجبني لبنت مرررة احبب قنااتها




-------------------------------------------------------------------------------

قنوات يوميات (فلوقز)  -  Daily vlogs

الشاي تاردز،  اعششششققق اعشق هذي العيلة، هما عيلة يصورو يومياتهم ، احبب كل فرد في ذي العيلة مع اني احيانا نفسي اضرب ولدهم الصغير ههههه مزعجج اوقات

شششخصياتهم رووعة احبب الابو والامم وبنتهم اييفيا بالذات والبيبي حقهم كككييييوت .. من جججد تحتاجو تتابعوهم حتنبسسططو عالفلوقز حقهم 

هما عيلة تغيرت حياتهم في ٥ سنين، كانو على قد حالهم وشوية كمان مسااكين وماعندهم فلوس فسافرو لوس انجلوس ف 2009 تقريبا وبدا شاي مع كم احد من اصحابو شركة ترفيهية اسمها maker studios .. المهم انو هذي الشركة اشتروها والت ديزني ب ٥٠٠ مليون دولار ف 2014

رجعو من لوس انجلس اخر السنة الي فاتت للمدينة اللي هما منها ايداهو (الديرة حقهم)
 (مددري ليش حسيت بحاجة اني احكيكم قصة حياتهم)

سكوني جولي اتفررج الفلوقز حقهم عشان اشوف بنتهم امييليا ، ياعمممممري على هذي البنت ماشالللله عليها من اكييت المخلوقات في العالم .. من جججد هذي البنت تعطينا درس مهم في الحياة انو الاطفال الللزوزين مو لازم يكونو ملكين جمال 

دينا قناتها قناة فاشن الظاهر بس اي دونت كير اباوت ذات .. انا احب الفلوقز حقها بالذات لما شاركت في مسابقة ملكة جمال المسلمات لانو البي بي سي حينزلو برنامج وثائقي عنها لما شاركت في المسابقة، متحمممسة مرة للبرنامج 

والفلوقز حقها بشكل عام ممتعة لانو شخصيتها مررة لطييففة بس لاتضيفوها في سناب شات عشان حتكرهوها هناك ههههه 

احب تنوع الثقافات الي هيا عايشتو ..  هيا مسلمة بريطانية من ام بريطانية وابو مصري تتكلم مصري اوقات ومتزوجة باكستاني 

Gabriella Lindley

الفلوقز حق قابريلا كمان مرة احبها، صررت احب اشوف الفلوقز حقها قريب لما كانت تنزل فلوق كل يوم فترة ماكانت تنقل لبرايتون
مادري ايش هوا الي فيها بس حقيقي تقدري تسمعيها تبربر فوق راسسك حتى لو مافي شي يحمس ف يومها 

-----------------------------------------------------------------------------------------------

قنوات ترفيه

احيانا احسس اني ممكن استفرغ من فيديوهات الميك اب .. احيانا احتاج شوية مسافة بعيد عن الميك ، انا مؤمنة انو لازم كل وحدة يكون عندها خيارات قنوات ثانية مالها علاقة بالميك اب 

او طبعا يكون عندها حياة وشي ثاني تسويه في حياتها غير اليوتيوب هههههه الي هوا واضح انو ماعندي

واذا انتي انسانة لايف ليس زيي هذي بعض الخيارات:

جو اخو زويلا، رررهيبب هذا الانساان ، احبب مرررة المقالب الي يسوييها مع الروم ميت حقو كاسبر 

مهسسستتتر الادمي هذا واحب مررة اذا اجتمع هو وزويلا اختوو 

هذا هوا كاسبر الي سااكن مع جو ، خططيرر مرة كااسبررر، بالذات لما يجتممع مع جوو مسستحيل اففوت هذا الفيديو .. واحب فيديوهااتو كلها نادر ما اففوت منها شي اصلا 

ررهييبة ميقان ، هيا المفروض انو قناتها قناة بيوتي بس انا اششوفها عشان اتونسس لانها مهي احسن احد في ذا المجال 

حتى في اخر فيديو كانت تقول انها بدات تكره اليوتيوب لانها تسوي فيديوهات ماتحبها لانها مهي مرة مع الميك اب والبيوتي وكذا 

احب فيديوهات الاسئلة والاجوبة حقها واحبها لما تسولف خخطيررة مرة الانسانة هذي 

TMZ تي ام زي قناة اخبار مشاهير، تعجبني الطريققة الي يناقشو فيها الخبر، الي يشتغلو في القناة رهيبين اشوف فيديوهاتهم كثير بس مو دايما طبعا، الخبر الي عنوانو يحمسني اشوفو لانو احيانا يتكلمو عن مشاهير مايكون عندي فكرة حتى مين هما غالبا الاخبار والاشياء الكبيرة تطلع من عندهم زي مثلا فيديو جستن بيبر لما كان مع كندل جينر -----------------------------------------------------------------------------------------

قنوات عربية

تممسسسوحي، حبببيبي ياخي هذا التمسااح .. داايما وفاء اختي تسوي ذكية لما تسمعني اضضضحك بقوة تتقولي انتي جاللسة تشوفي التمسااح صح؟ .. هوا غالبا تكون صح لاني ماضحك بصوت عالي كثثثير الا لتمسسااحي ببسس وناس قليل

جينا للصدمة دحين، ترا لاني احب الميك اب ككثييير ما يعني انو ماعندي سالفة في الرياضة 

اححب البرامج الرياضة ، زي اكشن يادوري بالذات لما يكون عندهم موضوع حلو او مضاربة 

وعاليوتيوب طاررق الحربي مرة يعجبني ، برنامجو كان اسمو النشرة الرياضة وكانت فقرة قصيرة ف برنامج النشرة ال.. ودحين صار البرنامج كلو هوا يقدمو .. الثاني الي معاه (دريعان) سسساااامج يجيب الغم بس طارق الحربي مررة ونييييسسس حتى اسسلوبو في الحش يعجبببني .. اهم شي لاتفوتكم حلقة عبدالرحمن بن مساعد، حلقة قديمة بسس تموووتني وحلقة فيصل بن تركي وحلقة ماجد التويجري تقققتتل وحق القناة الرياضية.. حتى لو ماتحبو الرياضة شوفوها 

وبعيد عن الرياضة ندخل في السياسة 

يوسسف حسين خخخططيرر خطير ، اععشقق برنامج جو تيوب لا من جد لو انتو ناس مهتمين في السياسة او حتى فاهمين شوية في اوضاع مصرر لا يفوتتكم هذا البرناامج اذا ما كنتو تتابعوه من جددد راجعو حسابات نفسسكم وشوفو كم حلقة منو .. شوفو كذاب في الامم المتحدة وكل الحلقات كمان مرررة روعة البرنامج