مدونة هاجر بيوتي

شارون مررة مرررة مررررة احب قناتها .. مدري ايش الشي الي فيها الي يخلييني اتففررج تقريبا كل فيديو تنررلو 

تحتتااجججووو تتابعوها انا متااكدددة

 بسم الله الرحمن الرحيم 

اول شي كل سنة وانتو طيبين والله يجعلها لكم سنة مليانة سعادة وانجاز 

مع بداية السنة حبدأ مدونتي ان شاء الله ، واول تدوينة حتكون عن مفضلاتي ال ١٤ ف سنة ٢٠١٤، وكلهم منتجات ميك اب وتجميل

اخترت مفضلاتي بشكل عام ما اخترت من كل فئة منتج بس حاولت انوع قد ما اقدر 

اغلبها منتجات جربتها من بداية وحبيتها وبعضها منتجات دخلت نص السنة بس كلهم مجربتهم فترة كافية

١.  كونسير نارز ردينت كريمي Nars Radiant Creamy Concealer 

اول منتج حبيتو السنة كلللها واستخددمتو اكككثر شي هوا هذا الكونسيلر من نارز، من افضل واجمل واحسن الكونسيلرات اللي جربتها، تغطططيتو ممتااززة (متوسطة لعالية)،  ونفس تركيبتو كريمية يعني ما يجفف منطقة تحت العين ولا يظهر الخطوط الرفيعة اللي فيها ويبرزها 

درجتي biscuit، وحلو ف بيسكت انها درجة فيها توازن بين الاندتون البينك والاصفر فتصحح السواد الي تحت العين وتغطيه ف نفس الوقت ، عموما حقي تقريبا خلص وناوية اخذ اجرب درجة ginger اللي انتدتونها اصفر عشان تنور المنطقة 

للاسف ماركة نارز مهي موجودة في الخليج الا في دبي تقريبا ، تقدرو تطلبو الكونسيلر اونلاين من موقع نوردستروم

اول منتج حبيتو السنة كلللها تقريبا

http://shop.nordstrom.com/

و في تاجرة اثق فيها كثيير توفره 

٢. اللوراك برو بالبيت   -  Lorac Pro Palette 

احسسها الباليت الي تختصرر لك كل الباليتات، الوانها قققوية وواضضحة بدون برايمر ، وثباتها ممتازز، ودممجها سههلل وفييها تننوع بين المااات والشيمر ، وفيها ٣ درجات مناسبة للحواجب كمان .. رااائععة راائعة هذي الباليت و حقيقي باليت متكاااملة انصح فيها وبششدة

(اظن انو كان المفروض انحرج من منظرها وانظفها قبل لا اصورها)

انا طلبتها من امازون، وماصار في متجر في الانستقرام ما يوفرها 

٣. باليت حواجب سليك  - Sleek brow kit 

من اجمل المنتجات الي جربتها ف ٢٠١٤، وصح اني في الاخير جلست اجرب منتجات جديدة بعد ما كنت مرة معلقة عليه اول السنة، بس يبقى باليت سليك من اججمل منتجات الحواجب الي جربتها، للي تبغا باليت سسعرو معقول وممتازز انصصحها فيه .. هوا تقريبا نسسخة لباليت الحواجب من بينيفت (ماجربتو)

يجي جهة باودر وجهة شمع وحتى الفرش الي تجي معاه كويسة (الدرجة الي عندي دارك)

٤. هايلاتر واتس اب من بينيفت  - Benefit Watt's up highlighter

هوا هايلاتر كريمي ويتحول لباودر، اككككثر هايلاتر انكرف واستخدمتو ف ٢٠١٤، يعططي قللو للوجه نااععم ولمعة طبيعية مهي اوفر ولا فيها قططع قلتر كبيرة مزعجة .. ينففع اسستخدام يومي ومرررة حلو كمان للمناسبات، حقيقي محا تقدري توقفي تطالعي ف عظمة خدك طول ما انتي حاطتو 

استخددامو كمان مريح ما يحتاج فرششة، اانا اددمجو بيدي او بالاسفنجة الي معاه من ورا وافضل يدي

ماركة بينيفت موجودة ف سيفورا ووجوه

٥. الباودر بلش من الاماسكا Illamasqua blush powder

بلاششرات الامسكا الباودر من افضضضل افضل انواع البلشرات اللي جربتها وشفتها ف حياتي والغريب انو ماعندي الا درجة وحدة منها اسمها Beg .. الللون مررة ققوي يعني استخددمها باحرص ما عندي من الحرص .. ونعومتها غريييببببة كانك ماسكة مخمل، اللي تمر من كاونتر الاماسكا لا تشتريهم بس تللللمسهم وتشوف نعومتهم عالاقلل

طبعا زي ما انتو شايفين حقي انكسر وطلعت فاشلة في تصليح الاشياء حاولت اصلحو بالفكس بلس بس مازبط، فاشتريت كحول ومدري اذا حيزبط او لا لانو صار في طبقة جافة من فوق يعني مافي لون

سواتش للبشر من النت

تقدرو تطلبوه من النت لان الماركة هذي للاسف الشديد مو متوفرة في السعودية

٦. فاونديشن نارز شير قلو  Nars Sheer Glow

ااحبب مررة هذا الفاونديشن واحببب مررة كيف بششرتي تكون بيه تغطييتو مررة حلوة ، الفينيش حقو ساتين يعني بين المطفي والديوي واققرب للديوي ، فاللي بشرتها مرة دهنية ما اظن انو حيثبت معاها فترة طويلة والي بشرتها مررة جافة او تمر بحالة جفاف شديدة ماظن كمان حيكون افضل خيار لها .. درجتي Barcelona

٧. ارواج بورجوا المخلمية   - Bourjois Rouge Edition Velvet lipstick

الدرجات:          07   -    04    -   01

انا انسانة اعششق الارواج المططفيية، فمرررة ناسبتني هذي الارواج وحبيتها كثثيرر بالذات درجة 07 مررة خخطيرة .. ثااببتة ججددا، والوانها واضحة وقوية ، من احححلى الارواج الي جربتهم في ٢٠١٤ .. تلقوهم في سنتر بوينت

سواتشات للدرجات الي عندي

٨. تنتد موسترايزر استي لودر  -   Multi-Protection Anti-Oxidant Sheer Tint Release Moisturizer 

التنتد موسترايزر هوا كريم مرطب للبشرة بس فيه نسبة تغطية خفيفة، يناسب البشرات الجافة اكثر والبشرات الي مافيها مشاكل مررة كثيرة
هذا الادمي مسسكين انكرف كرف يحززن طول السنة، وتقريبا خلص مابقي فيه الا نقطتين، اححححبببو بشكل يفوق الوصف والتعبير، يررطب البششرة وييخلي بششرتي دييوي وفيها نظارة .. الحلو انو تنتد موسترايزر بس تغططيتو  كافية انها توحد لون البشرة

ماركة استي لودر موجودة ف وجوه وباريس غاليري ودبنهامز

اول ما ينحط يكون ابيض كذا

مجرد ما يندمج يصير نفس لون البشرة

٩.ماسكرا ديور ايكونيك اوفركيرل    -   Diorshow Iconic Overcurl Mascara

تعرفوا الايام اللي مايكون عندك فيها مجال تلعبي برموشك وتجربي ماسكرا جديدة ولا تعطي ماسكرا مو مرة حابتها فرصة ثانية (من باب تحليل قروشك اللي راحت فيها)، الايام اللي تحتاجي رموششك تكون كوييسسة وبس .. انا هذي ماسكرتي لهذي الايام
ااععشق هذا الماسسكرا، لانننها تعططي ككثثاافة للرمووشيي فظظيييعة، وتطططولها ف نفسس الوقت وطططول ما اانا خرييصة في اسستخدامها ما تلصصق لي رموشي ببعض .. من جد رموششي بيها تكون رموشش ما اعرففها
من كم اسبوع تكلمت عنها في الانستقرام فوحدة تقول انها وسسعت وحلّت عيونها وبسببها انخطبت وتزوجت وصار عندها ولد .. فما يستفاد من القصة انو هذي الماسكرا ممكن تغير لك حياتك ههههه

تلقوها في سيفورا ووجوه

١٠. مزيل مكياج بايوديرما  -  Bioderma

١١. كحل ريميل البيج  -  Rimmel ScandalEyes Waterproof Kohl Eyeliner 

هذا قلم كحل نيود، مسستحيل استغني او اعيش بدونو، اححططو دايما داخل العين يعطيها وسع بدون ما يكون مررة ان يور فيس زي الابيض .. ثبباتو عااالي وكرييمي يعني ينحطط بسسهوللة وسلاسة داخل العين

١٢. لصقات بيوريه للرؤوس السوداء  - Biore Ultra Deep Cleansing Pore Strips


مممتاااااززة جدا  للرؤوس السودا عالخشم لانها تققهررني وتستفززني اكره ملمس الخشم اللي مهو ناعم وحتى الفاونديشن ما يططللع حلو طول مافي رؤوس سودا واضحة
مرررة ناسبتني هذي اللصقات لانها تزيل الرؤوس السودا من خشمي ويصير ملمسو نااعم

مهم مرة اننا مانعتمد عليها طول الوقت ونبدا نعالج المشكلة من جذورها
الرؤوس السودا تظهر لما ينسد المسام بخلايا جلد ميتة او نتيجة افراز دهون زايدة تسد المسام او ببقايا مكياج، ولما تتعرض البشرة للهوا تبدا تتحول للون الاسود .. طبعا الوجه لازم ينغسل كويس عشان نمنع تراكم الدهون، واستخدمي مقشر فيه  ال Salicylic acid عشان المسام ينظف تنظيف عميق 

١٣. ماك فكس بلس  -   +Mac Fix

من اشهر منتجات ماك، معرروف انو له استخدامات كثير .. يعني يقوي لون الشادو ويستخدم مع الشادو الحر (البيقمنت) عشان يثبتو وما يتناثر .. يستخدم كمان قبل الميك ينعش الوجه وبعد الميك اب عشان يعطي الوجه نظارة بالذات لو استخدمتي باودرز كثير
استخدمو دددايما حتى بدون ميك يدي احس بانتعاش .. الشي ذا لعب عالعامل النفسي عندي بشكل غريب

١٤.الشيمر بريك من بوبي براون   - Bobbi Brown Shimmer Brick Compact


اضاءة او برونزر بوبي براون (درجة برونز)
لها استخدامات كثيرة علي حسب الالوان الي تخلطيها مع بعض، تستخدم كاضاءة على عظمة الخد وفوق الانف والشفايف لو خلطتي كل الدرجات ببعض او استخدمتي الدرجات الفاتحة .. وكبرونزر او بلش لو اخذتي الدرجات الاغمق .. وتستخددم كمان كاي شادو على جفن العين ..
الوانها روووعة موووو طبيعية

سواتش كل لون لحالو

سواتش للالوان كلها مع بعض